POESIA ORDUAK 2019

• Astehelena, 9, 19:30:

Egunero hasten delako nobelatik abiatuta, Ramon Saizarbitoriaren obra osoko zati hautatuen irakurraldi musikatua egingo da. Saizarbitoriaren mundu literario eta musikalaren barnako bidaia bat izango da. Honenbestez, bidaia sentimental bat, idazlearena baina baita, neurri batean, euskal kulturan ikur bihurtu den belaunaldi oso batena ere. Taldean: Koruko Heras, pianista; Koldo Izagirre, poemaren itzulpena; Iban Zaldua, narratzailea; Lourdes Oñederra, narratzailea; Susana Mendiola, pianista; Jabier Muguruza, abeslaria; Irene Ojanguren, abeslaria; Txeli Oroz, zeharkako txirula, Mertxe Parra pianista eta Beñat Sarasola, koordinatzailea.

• Asteartea, 10, 19:30:

Munduko Poesia Kaierak bilduma Susa argitaletxeak sortu zuen 2014an, dagoeneko 30. zenbakira iritsi da eta ospatze aldera bilduman argitaratutako poemek ardaztutako ikuskizuna izango dugu. Poesia eta itzulpenaren ospakizun bat azken hamarkadetako poeta handienetako batzuen piezez osatua. Emanaldian ahotsez eta mugimenduz gorpuztuko dira bilduma osotik ateratako testuak: poesia errezitaldia hibridoa izango da, zeinean poesiaz galdekatuko duten umorez egileek, eta errezitatuko poemak gorputz mugimendu bilakatuko diren.

Ekoizpen artistikoa: Susa argitaletxea eta Metrokoadroka Sormen Laborategia.

Taldean: Jose Luis Otamendi errezitatzailea, Noemi Viana dantzaria eta Iraia Elias aktorea.

Sarrera doakoa izango da aretoa bete arte eta gonbidapenak Victoria Eugenia Antzokiko leihatilan banatuko dira emanaldien egunetan bertan arratsaldeko 17:00etatik aurrera.