 |
| Argitaletxea |
ONIRIKOAK (II)
Igande gehienetan
ez dakit non nagoen ere.
Idazmahaian eseri eta
ihes egiten dit begiradak
izenda ez dezakedan batek
gauzak ezberdin egiten dituen norabait.
Ehunzango eta untxiekin oroitzen naiz
logalez tindaturiko ordu luzeetan zehar
eta sintagma solteak idazten ditut
kaier maiztu batean.
Hitzak haraindiko zulo batek egozten ditu,
sekula ez bezala dut antiojoen beharra.
Simulakro baino
ez zen, baina
alarmaren soinuak
ebakuatzeko aukera akordarazi dit
eta orain ez dezaket
burutik kendu.
EZ JAKITEA
Jakintzak askatuko ninduela baina
ez jakiteak ere agian
lokabetuko ninduke
hala aske nintzateke
oro galdetzeko
eta itaunduko nizuke zergatik
eta hori litzateke
ezer baino erradikalagoa.
 |
| Leire Vargas sariarekin. Iturria: Kutxa Kultur. |
No hay comentarios:
Publicar un comentario
Este blog es personal. Si quieres dejar algún comentario, yo te lo agradezco, pero no hago públicos los que no se atienen a las normas de respeto y cortesía que deben regir una sociedad civilizada, lo que incluye el hecho de que los firmes. De esa forma podré contestarte.