GORROTXATEGIK AURKEZTEN DU

 

Limoia bezain erraz

erdibitzen du argiak

mendien laztasuna.

Zuhaitz gorriek txoriak

dituzte helduleku.

Ezin jakin noiz

eta nondik

etorri diren hostoak.

Segida bat bezala

etzaten da lurra,

begi-irekitasuna

muga bakar.

Hemen ez da 

mugez hitz egiten.

Alderantziz, bai,

mugagabeaz.

Oinarri-puntuak

noranahi hedatzen.

Eta itsasoa atzean.

Ez ixten, ez inguratzen,

gonbidatzen baizik.

***

Путин, немедленно останови войну!