EGUBERRI ON!

Orain Olentzero datorkigu

berria ematera.

Baina oker dago Olentzero.

Nik egunero ikusten dut

Familia Santua

kalean.

Neguan zein udan,

udaberrian nahiz udazkean.

Hor dago, bai, kale gorrian.

Batzuetan,

eliza bateko arkupeetan;

beste batzuetan,

kale-kantoi batean;

eta euria egiten duenean,

trenbidearen azpiko tunelean.

Ondoan ez du astorik,

ez idirik,

ez askarik.

Ez du inporta,

egia esan ez da familia,

ezta santua ere.

Elkarrekin daude,

elkarrekin izanda

berotzen direlako;

elkarrekin egonda,

txanpon gehiago lortzen dutelako.

Olentzero guztiok

oker gaude,

eta, gainera,

ez dugu elkarlana 
egiten dutenei buruzko berririk
izan nahi.