jueves, 2 de julio de 2009

HELDU ESKUTIK


Begira, heldu da uda,

eta udarekin batera bizitzaren indarra,

borobiltasuna.


Badakit batak ez duela bestea kentzen.

Badakit.

Badakit goibel gaudenean dena ospeltzen dela.

Badakit.

Baina, begira, errekaren ondoan gaude,

lagunen artean,

bizigunean.

Ahaztu orain amesgaiztoak eta ezinegonak,

ahaztu galera eta beldur guztiak.

Baztertu une batez hitz handiak

eta har ditzagun han-hemeka

ohiko hitz xume-goxo batzuk,

adibidiez ogi eta ardo,

egun, belar eta euri,

inurri, mitxeleta,

zur eta burdin,

arnasa edo sagar,

eta egin dezagun lepoko bat hitz horiekin

elkarri oparitzeko.


Gero heldu eskutik

eta jarraitu aurrera.

1 comentario:

NO HAGO PÚBLICOS LOS ANÓNIMOS. ESCRIBE TU NOMBRE DESPUÉS DEL COMENTARIO.